🎵 Di Malilimutang Samahan

[Chorus]

At hindi malilimutan ating pinagsamahan

Ang awitin kong ito ay sa inyo nakalaan

At kayo’y nakatatak, at hindi mabibiak

Itong grupong binuo natin, hindi mawawasak

[Main]

Naaalala n’yo pa ba noong magkakasama pa tayo?

Sa lakas ng tawa natin, natitigan na ng tao

Halos di na nga natin napapansin ang orasan

Paano ba naman kasi, ang lulupit ng basagan

Sa isang taon na pinagsamahan natin, salamat

Kung isasalaysay ko lahat, dito ay di sapat

At noong araw ng pagtatapos, lahat tayo lumuha

Mahigpit na yakapan ang alay ng bawat isa

’Wag natin isipin na ito’y isang pamamaalam

Umpisa pa lang ito sa tagumpay na inaasam

At sana pag naabot n’yo ang inyong mga pangarap

’Wag kayong tatalikod sa mga taong tumanggap

Kapag sa lakaran, gagawa ng paraan

Kahit sa pag-uwi, tiyak na mapagalitan

Hindi ininda ang lahat ng ito

Basta’t makasama lang ang mga kaibigan ko

Aminado ako na hindi na mababalik ’to

Mabuo tong muli ay hindi ko na sigurado

Mga alaala’y mananatili sa isipan

At pinapangakong babalikan sa pinanggalingan

Napakasaya ko na nakilala ko kayo

Di maipinta ang saya na nadama ko

Lalo na ’nung mga araw na nagtatawanan tayo

Sa galaan may kulitan, may tampuhan pa nga tayo

Pero kahit ganon, sa puso kayo ang bida

Kahit na marami pang bagong kaibigang makilala

Natural lang iyon, alam ko na ganon ka rin

Pero sana pag nagkita, ako pa rin ay pansinin

Ang mga pangarap natin, sana ay iyong maabot

Pag kailangan mo ng tulong ko, agad na sasagot

Asahan n’yo na hindi ko kayo iiwanan

At hindi mapapagod makinig sa ’yo, kaibigan

Sa huling pagkakataon, nais kong malaman n’yo

Na kayo ang nagbigay ng kulay sa aking mundo

Sa inyo ko na binuhos lahat ng problema ko

Salamat, at kahit papaano ay nabawasan ’to

At kahit na minsan ay tayo’y nagtatalo

Sa bagay-bagay, lalo na sa pagpaplano

Pero pag natapos, tatawanan na lang

At ating masasabi, “Di bale na lang.”

[Chorus]

At hindi malilimutan ating pinagsamahan

Ang awitin kong ito ay sa inyo nakalaan

At kayo’y nakatatak, at hindi mabibiak

Itong grupong binuo natin, hindi mawawasak

[Rap]

Kampihan? Di kailanman nauso sa amin

Sa halip ay tutulungan ang mga kasama namin

Na magkaayos, at di na muling mag-away

Okay agad, ’di nasayang aming laway

Mahirap man isipin, kailangang tanggapin

Ang panibagong buhay kailangang harapin

Pero sana naman, lahat tayo’y mananatili

Na buo ang loob, at may tiwala sa sarili

[Final Chorus]

At hindi malilimutan ating pinagsamahan

Ang awitin kong ito ay sa inyo nakalaan

At kayo’y nakatatak, at hindi mabibiak

Itong grupong binuo natin, hindi mawawasak